Një ngjarje e rëndë ka ndodhur në Sarandë, ku kreu i Hipotekës, Armand Hysi ka humbur jetën pas një infarkti kardiak që ka pësuar në vendin e punës. 44-vjeçari ka qenë në zyrë në momentin që ka pësuar atak kardiak.
Hysi ishte emëruar në këtë detyrë vetëm pak muaj më parë dhe brenda një kohe të shkurtër kishte arritur ta kthente zyrën e Hipotekës në një nga institucionet më të suksesshme të Sarandës.
Armand Hysi ishte gjithashtu anëtar i Këshillit Bashkiak të Sarandës dhe Pedagog në Universitetin “Eqerem Cabej” në Gjirokastër. AI ishte një nga kandidaturat më të rëndësishme të Partisë Socialiste për drejtimin e Bashkisë Sarandë.
