Kompozitori i njohur polak, Krzysztof Penderecki, është ndarë nga jeta në moshen 86 vjeçare.
Kjo u raportua nga media polake që cituan familjen e artistit. Penderecki kishte studiuar piano dhe violinë në Konservatorin e Krakow, një qytet me të cilin ishte lidhur për një jetë të tërë. Aktiviteti i tij si kompozitor u frymëzua në fillimet e shkollës Darmstadt, nga e cila ishin eksponentë Luigi Nono, Bruno Maderna, Pierre Boulez dhe Karl-Heinz Stockhausen.
Hulumtimi i tij muzikor u përqendrua mbi të gjitha në ekspresivitetin e vargjeve dhe korit, me një pëlqim të veçantë për kompozime fetare. Ndër kompozimet e tij më të njohura, Trenodia për viktimat e Hiroshimës, Polymorphia për 48 instrumente harku, Requiem polak.
Ai gjithashtu është autor i tetë simfonive, dhe muzika e tij është zgjedhur si pjesë e kolones zanore të filmave të tillë si ‘The Exorcist’ dhe ‘The Shining’. Ndër veprat e tij të fundit, një requiem në kujtim të Papës Gjon Pali II.
