Reshjet e borës janë ndërprerë dhe tashmë të gjitha akset rrugore janë të hapura. Megjithatë, Autoriteti Rrugor Shqiptar ka dhënë detaje për gjendjen aktuale, ku specifikon akset ku duhen përdorur zinxhirët.
Në Rajonin Jugor qarkullohet me zinxhir vetëm në: K/Boboshticë – Dardhë, në 5 km e fundit.
Në Rajonin Verior qarkullohet me zinxhir vetëm në: Ura e Cerenecit-Steblevë, 15 km e fundit te aksit; Kryqëzim Domaj-Draj Reç.
Po ashtu, ARRSH bën me dije se kontraktorët vazhdojnë punën për pastrimin e akseve dhe monitorimin e tyre, ndërkohë është bërë pastrimi i akseve nga materialet që bien në rrugë nga skarpatat.
