Kryetari i Partisë Demokratike, Lulzim Basha zhvilloi sot një takim më 300 studentë europianë të EDS, organizatës studentore të Partisë Popullore Europiane.
Basha është shprehur se PD është një parti e formuar nga studentët, ndërsa tha se është i kënaqur për pjesëmarrjen e tyre nesër në protestën e opozitës së bashkuar para Kryeministrisë.
Ndërkohë i pranishëm në këtë takim ishte dhe djali i Sokol Olldashit, Glauk Olldashi, i cili u prezantua nga vetë lideri demokrat.
“Në këtë sallë ndodhen studentë të cilët janë ngritur në një betejë të pashembullt prej më shumë se një dekade në Europë.
Studentë të universiteteve shqiptare të mbështetur nga miq, shok të tyre shqiptarë që studiojnë jashtë vendit, njëri prej tyre Glauk Olldashi që kam kënaqësinë e veçantë ta përshëndes dhe t’i uroj mirëseardhjen sot në këtë bashkëbisedim dhe natyrisht merita e tij është sepse që ditën e parë ka qenë në krah të studentëve shqiptarë në betejën për arsimin e lartë të standardeve europiane por natyrisht nderon edhe trashëgiminë e babait të tij, ish-kryetarit të FRPD, një miku dhe bashkëpunëtori të shquar timin, një nga liderët e PD-së të ndarë nga jeta tragjikisht para disa vitesh, zotit Sokol Olldashi. Studentët janë të bashkuar dhe FRPD është në këtë betejë prej ditës së parë jo për të korrur kapitale politike por për të qenë në krahë të studentëve. Nën shembullin tuaj edhe ne”, tha Basha.
300 studentët europianë kanë ardhur në Tiranë për të mbështetur kauzën e opozitës për zgjedhje të lira e të ndershme.
