Një lëvizje e papritur vjen nga ana e kryeministrit Rama, teksa jashtë zyrës së tij po protestojnë studentë nga e gjithë Shqipëria.
Këta të fundit kërkojnë plotësimin e 8 kërkesave, gjë që ka krijuar ngërç teksa Rama insiston për të dialoguar me ta.
Por, ndërkohë që studentët bëjnë thirrje për plotësimin e kërkesave, në zyrën e kryeministrit kanë mbërritur dy ministra.
Bëhet fjalë për ministrin e Brendshëm, Sandër Lleshajn dhe ministrin e Financave, Arben Ahmetaj. Nuk dihet nëse protesta është shkaku i këtij takimi të Ramës me ministrat, të cilët kanë mbërritur paraditen e sotme në ambientet e Kryeministrisë.
Rama ka reaguar edhe sot lidhur me protestën, teksa në një postim në Instagram shkruan: Sharrat e Doktorreshës dhe britmat në gjumë të Artistit, e gjymtuan si s’ka më keq protestën tuaj! Por unë dhe ju që s’jeni më aty, jo vetëm që s’do t’i lemë pa adresuar ato 8 pika, po do të bëjmë shumë më shumë se aq SE BASHKU
