Lazio është duke kaluar një formë jo të mirë në javët e fundit dhe kjo për shkak të disa vendimeve të gabuara të arbitrave që kanë nxehur edhe gjakrat e drejtuesve të kaltër. Protagonist është bërë sërish Igli Tare, i cili ka zbritur sërish në fushë për tu përballur me arbitrin gjatë ndeshjes Lazio-Torino. Konkretisht për kartonin e kuq që i është vënë Ciro Immobiles që në pjesën e parë.
Në pushimin ndërmjet pjesëve Tare ka zbritur në tunel dhe ka debatuar me arbitrin kryesorë për atë vendim që e ka dëmtuar shumë ekipin lacial. Por ky veprim edhe këtë herë ndikon mbi shqiptarin që është edhe drejtor teknik i Lazios. Tare tashmë duhet të paguaj një gjobë të majme prej 5000 eurosh dhe do të jetë një javë i pezulluar. Edhe në ndeshjen përballë Fiorentinës ai ka marrë një dënim të tillë për atë penallti të dhënë në minutat e fundit dhe bëri që ndeshja të mbyllej barazim.
