Një lajm i trishtë ka ardhur për botën e futbollit. Një aksident tragjik i ka marrë jetën futbollistit 20-vjeçar, Jetëlir Hasani.
Shqiptari i Kosovës, aktivizohej te klubi Ulm 1905, në ligën amatore gjermane. Lajmi për humbjen e tij e ka bërë publike familja Hasani, si dhe klubi i Ulm nëpërmjet faqes zyrtare në “Facebook”.
“Dje u goditëm nga një lajm i trishtueshëm. Lojtari, miku dhe anëtari i klubit tonë, Jetëlir Hasani ka ndërruar jetë. Ne në VFL Ulm dëshirojmë t’i shprehim ngushëllime familjes Hasani, në këtë kohë të vështirë”, thuhet në njoftimin e klubit gjerman.
Trupi i pajetë i 20-vjeçarit do të përcillet sot, për në banesën e fundit në Prishtinë.
