Arben Fejzo, mjeshtëri i mundjes shqiptare është ndarë nga jeta, pasi vuante nga një sëmundje e rëndë. Ish-mundësi i Tiranës dhe Partizanit është shuar në moshën 62-vjeçare. Fejzo që garoi në mundjen klasike në peshën 52-57 kg, nga viti 1970 deri në vitin 1982 dhe spikati në radhët e Tiranës, më pas të Partizanit për t’u rikthyer në fund të karrierës së tij sportive sërish me ekipin e Tiranës.
Pas përfundimit të karrierës sportive, Fejzo është aktivizuar edhe si gjyqtar i ndeshjeve të mundjes. Arben Fejzo është shpallur ‘Mjeshtër Sporti’, ndërsa mban gjithashtu edhe titullin ‘Nderi i mundjes Shqiptare’.
