Ndahet nga jeta në moshën 97-vjeçare Lewis Gilbert, regjisor britanik i 3 serive të filmave me James Bond. Gilbert e nisi karrierën e tij si aktor në moshë shumë të re, ndërsa më vonë punoi si ndihmës regjisor në serinë e filmit dramë “Jamaica Inn” të regjisorit dhe producentit anglez, Alfred Hitchcock.
Por, ai u bë i njohur në filmin “Alfie” të vitit 1966, duke risjellë edhe njëherë në ekran aktorin Michael Caine, që u nominua për disa çmime “Academy Awards”, duke përfshirë edhe “Fotografinë më të mirë”.
Regjisori gjatë jetës së tij është nderuar me dy cmime BAFTA për filmin dramë komedi të vitit 1984 “Educating Rita”, në të cilën luante sërish aktori Michael Caine.
Lajmi i vdekjes së Gilbert u dha nga producenti Michael G Wilson dhe Barbara Broccoli në faqen zyrtare të filmit “James Bond”, ku thuhej: “U trishtuam shumë kur morëm vesh për vdekjen e mikut tonë të dashur Leëis Gilbert. Lewis ishte një zotëri i vërtetë që ka dhënë një kontribut të jashtëzakonshëm në industrinë e filmave britanike, si dhe në seritë e filmave për James Bond si “You Only Live Tëice,” “The Spy Who Loved Me” and “Moonraker”.
