Ndërron jetë në moshën 72-vjeçare kreu i Shoqatës” Durrësi”, Shpëtim Metani. Lajmin për ndarjen nga jeta e ka dhënë kryebashkiakja e Durrësit, Valbona Sako, e cila përmes një statusi në “Facebook” shpreh ngushëllimet familjes.
Po ashtu, Sako lartëson figurën e tij, si një qytetar shembullor, veprimtaria e të cilit ka lënë gjurmë dhe do të kujtohet nga qytetarët.
“Me trishtim mësova lajmin e ndarjes nga jeta të Z. Shpëtim Metani, kryetar i shoqatës “Durrësi”. Një qytetar model, veprimtaria e të cilit ka lënë gjurmë dhe do të kujtohet e nderohet gjithmonë nga qytetaria Durrsake. Ngushëllime të sinqerta familjes. Ju ftoj ta nderojmë të gjithë së bashku për në banesën e fundit: Nesër në orën 10 tek Pallati i Kulturës Aleksandër Moisiu“, shkruan Sako.
Metani i ka dhënë një kontribut të madh qytetit bregdetar në promovimin e vlerave dhe krijimin e festave simbol siç ishin, “Mikpritja Durrsake”, “Festa e Ullirit”, “Festa e Detit”, “Festa e Ekuınoksıt Pranveror” etj.
