Kompozitori i njohur Aleksandër Lalo ndërroi jetë në moshën 68-vjecare. Lalo lindi më 27 prill të vitit 1949, në Tiranë. Ai rrjedh nga një familje me origjinë nga Leskoviku. Lalo kreu studimet e larta në Institutin e Larte te Arteve për muzikë më 1973. Lalo është një nga kompozitorët më të dashur dhe ka dhënë një kontribut të madh në kinematografi.
Por absurdi ndodh me median, sonte kompozitori është edhe “live” në emisionin e Tv Klan “ C’est La Vie”. Më poshtë shohim dhe foto të kapura live nga emisioni vetëm para pak minutash. Pas bërjes publik të lajmit TV Klan, ka ndërprerë spektaklin “C’es la vie” duke shprehur ngushëllimet për kompozitorin.
“Po e ndërpresim spektaklin pas ndarjes se papritur nga jeta te Aleksandër Lalos. Në shenjë respekti Tv Klan nuk do ta transmetojë spektaklin sot. Kjo puntatë ishte e regjistruar dy dite me pare dhe kompozitori Lalo ishte pjesë e jurisë që nga java e parë”, tha në një ndërhyrje të drejtpërdrejtë Reis Çiço.
Fillimisht ndarja nga jeta e kompozitorit Lalo ka krijuar konfuzion, kjo për faktin se gjatë kohës që u raportua për vdekjen e tij, kompozitori ishte duke dhënë gjykimin për konkurrentët në spektakël, por siç edhe u mësua nga Reis Çiço, spektakli ka qenë i regjistruar 2 ditë më parë.
Kompozitori Lalo ka dhënë një kontribut të madh në kinematografi.
Lista me filmat e kompozuar nga Aleksandër Lalo:
Tingujt e harresës (1996) (TV)
Historiani dhe kameleoni (1989)
Treni niset më shtatë pa pesë (1988)
Dy herë mat (1986)
Fjalë pa fund (1986)
Asgjë nuk harrohet (1985)
Fushë e blertë fushë e kuqe (1984)
Era e ngrohtë e thellësive (1982) (TV)
Një vonesë e vogël (1982)
Shi në plazh (1982)
Shtëpia jonë e përbashkët (1981)
Thesari (1981)
Gëzhoja e vjetër (1980)
Nusja (1980)
Vajzat me kordele të kuqe (1978)
Tomka dhe shokët e tij (1977)
Dimri i fundit (1976)
Emblema e dikurshme (1976) (TV)
Duke kërkuar 5-orëshin (1974)
Odiseja e tifozëve (1972)
Të shoh në sy(1986)
Një gjeneral kapet rob (1980)
