Ndahet nga jeta në mënyrë të parakohshme gazetarja Adelajda Xhamani.
Ajo mbaroi studimet për Gjuhë Letërsi dhe u bë njohur pasi mori pjesë në show-in “Big Brother”në vitin, ndërsa më pas vijoi karrierën si prezantuese, por edhe punoi si gazetare.
Adelajda Xhamani u nda nga jeta në moshën 31-vjeçare, ndërsa dyshohet se vdekja ka ardhur si pasojë e një ataku kardiak. Trupi i saj u gjet nga të njohurit e gazetares në apartamentin ku banonte Xhamani, ndërsa u dërgua në QSUT rreth orës 04:00 pa shenja jete.
Prej vitesh Adelajda punonte në shtypin rozë, ndërsa aktualisht mbante postin e kryeredaktores në një revistë.
Redaksia e “Tirana Today” i shpreh ngushëllimet më të sinqerta familjarëve të Adelajdës.
Njoftimi i policisë:
Më datë 29.10.2017, rreth orës 05:10, në rrugën e Thesarit, është gjetur e vdekur në banesën e saj, shtetasia Adelajda Xhamani, 31 vjeç, e cila jetonte vetëm.
Nuk ka shenja dhune. Shtetasia e mësipërme vuante nga epilepsia.
Pritet vendimi i mjekut ligjor.