Kalimi i dekretit nga ana e Greqisë në parlamentin e saj lidhur me zgjerimin e ujërave territoriale me 12 milje në detin Jon, shkaktoi debate në vendin tonë.
Por për analistin Mentor Nazarko, e gjithë kjo situatë duket si stuhi në gotë.
Nazarko u shpreh në ”News 24”, se sipas deklaratës së Ramës se “nuk shitet deti në shekullin XXI”, rezulton se edhe më 2009 nuk ka pasur tradhti me çështjen detare.
“Nuk ka asnjë referencë për zgjerim të Greqisë me 12 milje. Duhet të ketë diskutim dhe transparencë. Çështja e 12 miljeve zgjerim është një stuhi në gotë. Kjo është çështje deti. As në 2009 nuk u shit deti. Nuk ka arsye për shqetësim. Rama ka bërë deklaratë autogol. Kjo sepse ai tha në shekullin e 21 nuk shitet deti, i bie që edhe më 2009 nuk ka pasur kurrfarë shitje. Për çështjen e detit, Greqia po “ushqen” popullin e vet për Krishtlindje”, tha Nazarko.
Nazarko thekson se Shqipëria në këtë proces është e shantazhueshme, duke shtuar se kjo ndodh për shkak se vendi ynë dëshiron integrimin në BE.
