Mediat e huaja kanë raportuar se gjatë kësaj jave, Rusia ka planifikuar që të testojë disa raketa përreth rajonit të gadishullit Skandinav, në një zonë ku aleanca perëndimore e NATO-s është duke zhvilluar stërvitjen e saj më të madhe ushtarake që prej fundit të Luftës së Ftohtë. Sekretari i Përgjithshëm i NATO-s, Jens Stoltenberg, është rrëfyer se janë njoftuar në lidhje me testet e planifikuara të Rusisë.
Nato is holding its biggest military exercise since the Cold War, just months after Russia did the same
[Tap to expand] https://t.co/LgCf5IhLay pic.twitter.com/K3zccy1N6J
— BBC News (World) (@BBCWorld) October 31, 2018
“Pavarësisht përpjekjeve të vështira nga përfaqësues të aleancës dhe shtetet anëtare të saj, për ta prezantuar këtë aktivitet ushtarak me natyrë mbrojtëse, është mëse e qartë se kjo shfaqje force është me natyrë antiruse”, thuhet në një deklaratë të Ministrisë së Jashtme Ruse.
Ushtria ruse njoftoi javën e kaluar se do të dërgojë 4 anije në Atlantikun e Veriut për stërvitjen e saj. “Rusia ka një prani domethënëse të forcave detare në këtë zonë”, tha Stoltenberg këtë të martë. “Pres që Rusia të sillet në një mënyrë profesionale”.
