Napoli nuk ndalet në rrugën për të rivalizuar seriozisht për titull kampionët e Juventus. Sot napolitanët shkatërrojnë Cagliarin 3-0 në “San Paolo” dhe marrin kreun me pikë të plota. Napoli ka 21 pikë pas 7 ndeshjeve të para në kampionat, ndërsa Juventus është në vendin e dytë me tre pikë më pak. “Zonja e Vjetër” mund t’i arrijë nëse fiton në mbrëmje në fushën e Atalanta.
Skuadra e Maurizio Sarri, e cila mund të krenohet edhe me sulmin më të mirë me 25 gola të shënuar, e gjeti avantazhin pas vetëm katër minutash lojë, kur kapiteni Marek Hamsik shënoi pas pasimit të marrë nga Mertens.
Mertens shënoi me penallti golin e dytë për Napoli, pesë minuta para fundit të pjesës së parë. Ky ishte goli i shtatë për belgun në këtë edicion të Serie A, tre më pak se Dybala, golashënuesi më i mirë. Golin e tretë e shënoi qendërmbrojtësi Koulibaly, sapo nisi pjesa e dytë. Për Cagliari, që mbetet në vendin e 14-të kjo ishte humbja e tretë radhazi.
https://www.youtube.com/watch?v=Nos7rxtVJow&ab_channel=PremiumSintesi2
