Napoli nuk arrin të rimarrë endin e parë pas barazimit që mori Interi një natë më parë përballë Juventusit. Napolitanët u ndalën nga “mallkimi” i vendeve të para, Fiorentina në shtëpi me një barazim pa gola. Skuadra e Sarrit konfirmoi ngërçin që po kalon që nga humbja me Juven në “San Paoli”, më pas nga Feynoord në Champions League dhe këtë herë ngec përballë Fiorentinës.
Në takimet e tjera të ditës së sotme, Udinese mposhti Beneventon me rezultatin 2-0, me golat e shënuar që në pjesën e parë. Mjaft interesat ishte 45-minutëshi i ditë në sfidën SPAL-Verona, kur u shënuan 4 gola dhe sfida përfundoi 2-2.
Më herët, Roma nuk shkoi më shumë se një barazim pa gola në “Bentegodi”, ndaj Chievos, ku hero u bë portieri i vendasve Sorrentino, me disa pritje vendimtare.
Ajo që vihet re në këtë javë të 16 është se ndalen në barazim të 4 skuadrat e kreut, duke bërë që renditja të mos ndryshojë. Kështu Interi kryeson me 40 pikë, i ndjekur nga Napoli me 39, Juventus me 38 dhe Roma me 35.
