Napoli mposht Veronën me rezultatin 2-0 në janë e 20 dhe mbanë vendin e parë në kuotën e 51 pikëve. Në San Paolo nuk ishte një ndeshje e lehtë për Napolin që arriti të zhbllokonte shifrat vetëm në minutën e 66-të me mbrojtësin Koulibaly, një gol ky që shkaktoi shumë kontestime nga ana e futbollistëve të Veronës të cilët pretendonin për një faull të shtatlartit senegalez ndaj portierit Nicolas. Ndërsa në të 78’-ën është Callejon që vulos fitoren për ekipin e Maurizio Sarrit. Kjo ishte fitorja e 4-t radhazi për Napolin në Serinë A me të kaltrit që vazhdojnë rrugën drejt titullit kampion.
Lazio rikthehet të jetë në fushë ai i fillimit të kampionatit, pasi ka mposhtur 5-2 SPAl-in, ku Ciro Immobile shënon një lumë golash dhe merr kryesimin e golashënuesit më të mirë me dy gola më shumë se Icardi. Ndërsa bardhekaltërit janë pozicionuar në vendin e katërt momentalisht.
E nisi me këmbën e mbarë vitin 2017 Milani që me një gol të Leonardo Bonuccit mposhti 1-0 në San Siro, Crotonen duke u rikthyer te suksesi në kampionat. Titullar Arlind Ajeti te kalabrezët me mbrojtësin shqiptar që zhvilloi një paraqitje pozitive. Mori fitoren e dytë radhazi Benevento që kaloi 3-2 Sampdorian ndërsa Genoa mposhti 1-0 Sassuolon.
