Napoli ka zhvilluar një ndeshje të “çmendur” përballë Milanit në “San Paoli”, duke fituar me përmbysje nga 2-0 në 2-3. Kuqezinjtë e Gattusos nuk zhvilluan ndonjë lojë për tu mbajtur mend, por rastet e krijuara i shfrytëzuan mjaft mirë duke i kthyer në gola. Ndërsa të besuarit e Ancelottit ishin dominues gjatë gjithë takimit e dopieta e Zielinskit dhe goli i fitores i Mertens i kanë dhënë tre pikë ekipit të Napolit.
Kur kishin kaluar vetëm 15’ minuta lojë, një top i ulur mjaft mirë nga Borini në zonë për Bonaventurën bëri që ky i fundit me një goditje fluturimthi ta dërgonte topin në rrjetë. Napoli hidhet në sulm dhe krijon shumë raste por pjesa e parë mbyllet në favor të kuqezinjve.
Sapo nis pjesa e dytë është sërish Milani që befason me një gol të ngjashëm me të pasin por këtë herë është Calabria që e dërgon në rrjetë.
Por Napoli zgjohet në minutën e 53’ falë golit të Zielinski-t. Çerek ore më pas Zielinski barazon rezultatin me një gol fantastik nga distanca. Ndeshja fillon nga zero dhe skuadrat luajnë për golin e fitores.
Në minutën e 80’ është Mertens i futur në pjesën e dytë që përmbys rezultatin. Një ndeshje spektakolare.
