Nagatomo vuan largimin: Krenar që vesha atë fanellë, ju dua shumë

Yuto Nagatomo është larguar nga Interi, pas 7 vitesh pjesë e klubit zilaktër. Ai sot ka kryer testet mjekësore tek Galatasaray në Turqi dhe pritet që të nënshkruaj kontratën. Nagatomo e ka pasur mjaft të vështirë largimin dhe për këtë arsye ka shkruar një letër lamtumire për klubin duke thënë se është krenar që ka veshur fanellën e Interit. Mbrojtësi japonez do të huazohet për gjashtë muaj te klubi turk, por turqit janë të detyruar ta blejnë në fund të sezonit.

“Sot fillon një aventurë e re. Dua t’i falënderoj dhe përshëndes të gjithë. Jam krenar që kam veshur fanellën e këtij klubi për shtatë vite dhe më ka dhënë kaq shumë emocione. Fat të mbarë trajnerit e bashkëlojtarëve dhe fat të mbarë në kualifikimin për në Ligën e Kampionëve. Ju dua shumë. Përqafime, Yuto”, ka shkruar japonezi në rrjetet sociale. Nagatomo ka qenë kapiten i Interit, para se shiriti t’i besohej Mauro Icardit.