Miliarderi amerikan, Sargeant vlerësohet se ka një pasuri mbi 2 miliard USD, u shfaq si përfaqësues i grupit investitor në rafinerinë e Ballshit shtatorin e shkuar, gjatë inspektimit që i bënë rivënies në punë të uzinës nga ministri i Financave Arben Ahmetaj dhe ministri i Bujqësisë Niko Peleshi.
Në dhjetor të 2016, administratori i IRTC në Shqipëri erdhi Mitat Sulaj, vëllai i pronarit të kompleksit ‘Taiwan’ në Tiranë, Besnik Sulaj.
Një vit pas marrjes me qira të rafinerisë së Ballshit nga Banka Credins, IRTC gjendet në vështirësi financiare.
Punonjësit e rafinerisë prej më shumë se një jave, kanë mbajtur protesta në Ballsh, Fier dhe Tiranë duke kërkuar shlyrjen e pagave të papaguara nga IRTC.
Një investigim i vitit 2016 nga BIRN nxori në pah se si biznesmeni Rezart Taçi, përvetësoi qindramilionë dollarë, ndërsa institucionet e shtetit qëndronin pasivë përballë borxheve të cilat rriteshin me progresion të frikshëm.
Në shtator 2016, qeveria aktuale bekoi në një ceremoni të veçantë atë që e shpallën si një marrëveshje private me një grup biznesmenësh për të rivënë në punë rafineritë. BIRN zbuloi më pas se shteti shqiptar lejoi shitjen e paligjshme të ARMO-s te Banka Credins, e cila më pas ia dha në përdorim kompanisë IRTC.
