Një gazetar shqiptar nga Maqedonia, Furkan Saliu, ka ‘surprizuar’ ditën e sotme kryeministren serbe, Ana Bernabiq, teksa kjo e fundit merrte pjesë në inaugurimin e një pike kufitare në Tabanovc-Preshevë. Në këtë inaugurim ishte prezent edhe gazetari shqiptar.
Kujtojmë që kohë më parë, kryeministrja serbe i cilësoi shqiptarët “njerëz të ardhur nga mali”. Sakaq, çfarë tërhoqi vëmendje gjatë takimit, ishte zgjedhja që gazetari kishte menduar për t’iu përgjigjur kësaj deklarate.
Saliu kishte veshur një bluzë, në të cilën kishte stampuar fotot e figurave më të njohura shqiptare, që kanë lënë gjurmë dhe janë vlerësuar nëpër botë për artin, talentin, vlerat dhe humanizmin. Ndërkohë, poshtë fotos, shkruan: “Sapo dolëm nga mali”.
