Kryeministri, Edi Rama ka inspektuar situatën në Kamëz, ndërsa është takuar edhe me kreun e Bashkisë, Xhelal Mziu.
Mziu i ka shpjeguar Ramës situatën dhe masat që kanë marrë bashkia për të ndihmuar banorët që janë prekur nga përnbytjet. Mbrëmë dhe gjatë ditës së sotme i pari i Kamzës, nuk ka bërë asnjë reagim, pavarësisht thirrjeve të bëra nga strukturat shtetërore.
Por, pak çaste më parë Rama dhe Mziu janë takuar së bashku dhe po koordinojnë veprimet për të shpëtuar jetët e njerëzve në këtë zonë pas situatës së rëndë.
Xhelal Mziu i ka shpjeguar Kryeministrit Rama ndërhyrjet e bëra në Kamëz si dhe është shprehur i gatshëm për të bashkëpunuar për të tejkaluar këtë problematikë të krijuar.Rama tha se do vijojmë të jemi në gatishmëri të plotë, që situata të tilla të mos përsëriten në të ardhmen sa i takon mundësive njerëzore.
