Crystal Palace i ka shkaktuar një humbje të rëndë Arsenalit, në një moment që fitorja ishte detyrim. “Topçinjtë” kanë humbur me rezultatin 2-3 dhe kështu hodhën poshtë një mundësi të madhe të vendosnin diktatin për vendin e katërt.
Ozil barazoi shifrat në 1-1 dhe aty ku Arsenali po sulmonte për golin e dytë, vjen një gafë amatoreske e Mustafit.
Benteke pason me kokë për Zaha, i cili ndodhej pas Mustafit. Mbrojtësi me origjinë shqiptare nuk e mbuloi mirë topin dhe Zaha merr topin në zotërim duke shënuar golin e dytë për ekipin e vet.
Mustafi në këtë sfidë mund të quhet dhe njeriu fatal, pasi gabimi në minutën e 60-të i kushtoi rëndë londinezëve.
