Pavarësisht faktit se protokolli e kërkon që njëri prej zyrtarëve më të lartë të shtetit të jetë i pranishëm në Shqipëri, ditët e fundit presidenti Ilir Meta, kreu i Kuvendit Gramoz Ruçi dhe kryeministri Edi Rama ndodhen jashtë kufijve.
Presidenti Meta ndodhet në Uashington të SHBA-së, kryeparlamentari Ruçi në Berlin të Gjermanisë, ndërsa kryeministri Rama në Riad të Arabisë Saudite.
Sikundër njoftohet nga faqja e Parlamentit, seanca pritet të mbahet nën drejtimin e nënkryetares socialiste të Kuvendit, Vasilika Hysi. Në seancën e sotme janë parashikuar të diskutohen dy dekretet e presidentit Meta, Ligji për ‘Noterinë’ dhe Ligji për ‘Kadastrën’.
Nuk dihet ende se cili do të jetë qëndrimi i opozitës në Kuvend, ndërsa i mbetet zv.kryeministrit Braçe të përgjigjet në emër të mazhorancës.
