Një vajzë e famshme në Turqi ka fituar papritur famë ndërkombëtare për të gjitha arsyet e gabuara. Naz Mila, 26 vjeçe, do të mbahet mend ndoshta si vajza që bëri tatuazh me përkthimin më të pakuptimtë të Google translate.
Mila ka marrë pjesë në një reality show dhe ka plot 860.000 ndjekës. Të dielën ajo publikoi një foto to saj gjysmë të zhveshur, me një tatuazh gjigant që vijonte nga gjoksi deri në gjunjë, në anën e djathtë të saj. Problemi i vetëm është se nuk kishte asnjë kuptim.
Shprehja supozohej të ishte: “Vetëm Zoti mund të gjykojë gabimet dhe të vërtetat e mia”, një shprehje popullore turke. Ndërkohë, tatuazhi përmbante shprehjen: “Mund të gjykoj një Zot të vetëm me gabimet dhe gabimet e mia”.
Me sa duket, as Mila dhe as tatuazhisti i saj s’ia kishin idenë gjuhës angleze, por me siguri e kanë përkthyer atë nga Google Translate, apo ndonjë tjetër aplikacion të ngjashëm.
Pasi komentuesit vërshuan ndaj saj me komente nga më tallëset, Mila vendosi të fshijë njërën foto, por la tjetrën, duke bllokuar komentet. Mesa duket ajo është e kënaqur me tatuazhin e saj. Nëse jo, me siguri është me famën ndërkombëtare pak minutëshe!
