Muller tallet keq: Jam gjysmë brazilian nga qeni i gjyshit

Gjermani do të shkojë drejt Rusisë me detyrën e madhe që të mbrojë titullin kampion bote. Një mision mjaft i vështirë, prandaj edhe stërvitja në kampin gjerman është kthyer në një “luftë” të vërtetë. Kapiteni i “panzerave” këtë herë me shumë mundësi do të jetë Thomas Muller, i cili përveçse është një lojtarë i rëndësishëm për Bayernin është edhe për Kombëtaren.28-vjeçari është një personazh karizmatik dhe jo rrallë është bërë protagonist me batutat e tij, siç është edhe rasti i fundit. Në një intervistë për një televizion brazilian për Kupën e Botës ai ka folur për atë fitore 7-1 të Gjermanisë 4 vite më parë. Por sigurisht që futbolli nuk ishte tema e vetëm që u diskutua. Gjatë intervistës, ai ka thënë: “Mbaj mend se gjyshi im ka patur një qen që shikonte stacione braziliane dhe kjo më bën mua gjysmë brazilian”.