Muller presion arbitrit: Kujdes, mos bëj gabimet e së shkuarës

Bayern Munchen do të përballet me Real Madridin në “Santiago Bernabeu” në gjysmëfinalen e dytë të Champions League. Problemi më i madh për kapitenin bavarez duket se do të jetë arbitrimi, pasi atmosfera në “Bernabeu” gjithmonë i tensionon arbitrat. Me këtë rast ai kujton atë që ndodhi një vit më parë në këtë stadium, ku Bayerni u eliminua nga Championsi pas dy golave pozicion jashtë loje sipas tij.“Të gjithë e dimë se çfarë ka ndodhur, vjet pësuam dy gola në pozicion jashtë loje. Edhe për penalltinë e Juves është folur shumë, por arbitri nuk duhet të ndjejë presion. Thjesht duhet të mbajë mirë ndeshjen. Gjyqtari është sportist si ne dhe duhet të japë një performancë të mirë”, u shpreh Muller. Sulmuesi theksoi se Bayern duhet të jetë më efektiv dhe të shfrytëzojë rastet që i paraqiten, ndryshe nga ajo që bëri në “Allianz Arena”.