Ish-zv/ministri i Arsimit, Taulant Muka, i cili kohët e fundit po merret me plagjiaturat e doktoraturave të njerëzve të veshur me pushtet, është hakmarrë sërish ndaj kryeministrit Rama.
I ftuar në “360 Gradë” në “Ora News”, ai tha se kryeministri është i shqetësuar pse studentët ia kanë kaluar me like dhe share në fb. Muka shtoi edhe më tej dozën e ngacmimeve, duke thënë se Rama ka probleme shëndetësore, ndaj dhe sfida i duket personale.
“ I bëj thirrje kryeministrit të vendit që të mos merret me ciu-ciu, se ta kanë kaluar me like dhe share studentët. Prandaj shqetësohet. Normalisht ai ka një problem shëndetësor dhe sfida i duket personale.
Ata kanë një arrogancë të jashtëzakonshme. Le të më hedhin në gjyq”.
