Një nga nipërit e diktatorit të Zimbabve, Robert Mugabe tha për “MailOnline” tha se diktatori ishte larguar nga rezidenca e tij. Nipi shtoi se “Mugabe është ‘i tronditur, i lodhur dhe i zhgënjyer‘ dhe i kërkoi këshilla familjarëve të tij nëse duhet të japë dorëheqjen apo jo.
Burimet pohuan se rezidenca e Mugabe, Blue Roof e Mugabe ishte e “pushtuar” vetëm nga ushtria, ndërkohë të tjera burime thonë se diktatori u pa për herë të fundit rreth orës 6:53 dhe se telefoni i tij ka qenë i paarritshëm që nga ajo kohë.
Megjithatë, nipi i tij, Patrick Zhuëao, tha se diktatori është gati të vdesë për atë që është e drejtë dhe nuk kanë ndërmend që të legjitimoi grushtin e shtetit të kësaj jave, transmeton dailymail.
Mijëra njerëz dolën në rrugët e Harare sot në një shfaqje historike për të kërkuar fundin e mbretërimit 37-vjeçar të diktatorit Robert Mugabe.
Helikopterët ushtarakë fluturuan shumë ulët me turmat e njerëzve, ndërsa njerëzit marshuan në qendër të qytetit, duke valëvitur flamujt e Zimbabve dhe duke kënduar ‘hiqni diktatorin’ dhe ‘Mugabe, vendi ynë nuk është prona jote’.
Disa prej protestuesve bërtitën ‘Krokodili, Krokodili’, në mbështetje të zëvendëskryeministrit të shkarkuar Emmanuel ‘Crocodile’ Mnangagëa, me sa duket është i preferuari i protestuesve për tu bërë udhëheqësi tjetër.
Turmat e njerëzve marshuan nëpër Harare qendrore, brohorisnin dhe përqafonin ushtarët, duke vallëzuar dhe duke kënduar; “ Mugabe, ti ke shitur vendin, kujto se ne jemi ata që të kemi vënë atje dhe tani po të heqim”. Njerëz të zakonshëm thanë se ndjehen sikur po ëndërronin pasi diktatura 37-vjeçare u shpërbë para syve të tyre.
“Është si Krishtlindja,” tha një marshues, Fred Mubay, i cili tha se Zimbabve kanë vuajtur për një kohë të gjatë.
Protesta e sotme paraqiti një pikë kthese për shtetin e Afrikës jugore, ku për katër dekada kritika publike ndaj Mugabe u ndëshkuan me dënime brutale dhe madje edhe vdekje.
Mugabes iu dha një ultimatum 24 orësh për të dhënë dorëheqjen nga shoqata e fuqishme e Veteranëve të Luftës Nacionalçlirimtare.
Gjatë sundimit të diktatorit, shpesh ishin organizuar mitingje me forcë për ta mbështetur atë. Për krahasim, të gjithë morën pjesë në marshimin e sotëm me vullnetin e tyre të lirë dhe nuk pati asnjë protestues që të dilte në mbështetje të z. Mugabe.
Kishte një frikë në Zimbabve se ngjarja e sotme mund të degjenerohet në dhunë, ashtu siç ndodhi në vitin 2013, kur turmat vazhduan të tërbohen në Harare pas një tubimi të opozitës.
Marshimi filloi në një frymë harmonie dhe ndjenja e çlirimit nga prangat e policisë së fshehtë të diktatorit ishte e prekshme.
Turmat u mblodhën në fusha futbolli afër qendrës së qytetit dhe marshuan drejt Sheshit të Lirisë, i njohur më parë si Sheshi Robert Mugabe, një numër udhëheqësish politikë nga të gjitha partitë drejtuan demonstruesit.
Tubimi ishte historik dhe më i mrekullueshëm pasi u organizua nga partia e vetë z. Mugabe, Zanu-PF, e cila deri të martën e kishte trajtuar diktatorin si një zot.
E gjithë kjo ndryshoi sot, pasi ish-anëtarët partiakë të partisë, haptas e quajtën z. Mugabe një ‘diktator’ dhe bashkuan përpjekjet e tyre në përpjekjen për ta detyruar atë të japë dorëheqjen.
Natën e kaluar, aktivistë me megafona shëtitën në qytete dhe fshatra në mbarë vendin në automjetet e quajtur Zanu-PF, duke bërë thirrje për sa më shumë njerëz të ishte e mundur, të merrnin pjesë në demonstratë.
Partitë e opozitës ndoqën udhëheqjen e Zanu-PF, duke mobilizuar rrjetin e tyre bazë për të siguruar një pjesëmarrje të madhe midis mbështetësve të tyre.
Mendohet se disa nga paratë për mobilizimin e demonstruesve u ofruan nga ushtria, e cila drejtoi përpjekjen dramatike për të hequr Mugabe.
Autobusë të dërguar nga Zanu-PF për të nxitur mijëra njerëz në kryeqytet që të marrin pjesë në protestë, që mendohet të jetë demonstrata më e madhe e këtij lloji në historinë e Zimbabve.
Ndërkohë, zoti Mugabe mbeti sfidues në rezidencën e tij Blu, duke refuzuar të tërhiqej pavarësisht nga presioni masiv i grumbulluar nga rivalët e tij politikë, udhëheqësit e huaj dhe tani njerëzit e tij. (TIRANA TODAY)
