Pas fitores së Manchester United ndaj Juventusit, Murinjo është kapur duke bërë një gjest epik ndaj tifozëve të skuadrës bardh e zi. Më pas, trajneri e ka komentuar këtë veprim të tijin, teksa tha se nuk duhej bërë, por nuk po duronte dot më.
“U ofendova prej 90 minutash. Unë bëj punën time dhe asgjë më shumë. Në fund të fundit unë nuk ofendova askënd, unë thjesht bëra gjestin që doja t’i dëgjoja ata më shumë. Nuk do e bëja përsëri. Por, unë erdha këtu si profesionist që bën punën e tij dhe njerëzit ofenduan familjen time, kjo është përse reagova në atë mënyrë. Nuk dua të mendoj për të”, u shpreh Murinjo.
