Thyhet rekordi historik në boks që ishte vendosur për 17 sekonda, tani kemi një kampion të ri dhe ai e ka hedhur në tokë kundërshtarin për vetëm 11 sekonda. Ndeshja e boksit e zhvilluar në Belfast mes afrikanojugorëve Zolani Tete dhe Soiboniso Gonya ka hyrë në historinë e këtij sporti.
Kjo për faktin se Tetes iu deshën vetëm 11 sekonda për të hedhur në “Knockout” kundërshtarin e tij në këtë duel për titullin botëror duke vendosur një rekord historik. Rekordi i mëparshëm ishte 17 sekonda dhe i takonte ish-kampionit të botës për peshat super të lehta Daniel Jimenez në përballjen me Harald Geier. “E dija që Goniya nuk do të rezistonte, Fitova me sulmin e parë”, tha Tete, i cili më pas konfirmoi dëshirën e tij për të sfiduar irlandezoveriorin Ryan Burnett, kampion botë në kategoritë IBF dhe WBA për të unifikuar titujt.
