Jose Mourinho ka larguar përfundimisht zërat për një largim të mundshëm të tij nga Manchester United. Ditën e sotme ai ka firmosur kontratën e re që e mban lidhur edhe një vit me “Djajtë”, pasi kjo aktuale skadonte në qershor të 2019-ës.
Ish-trajneri i Chelsea, Inter dhe Real Madrid këtë sezon nuk është duke kaluar një formë të mirë, pasi gara për kampionat mund të quhet e mbyllur. Por me ardhjen e Sanchez, pritet që edhe në verë të ketë investime të rëndësishme.
“Jam shumë i kënaqur që kam vazhduar bashkëpunimin me Manchester Unitedin. Është kënaqësi kur një klub si United të beson dhe të ofron vazhdimin e kontratës”, deklario Mourinho. Për shërbimet e trajnerit portugez po interesohej gjiganti francez Paris Saint Germain. Gjithsesi detajet e kontratës së re nuk janë bërë ende publike.
