Jose Mourinho dhe Arsen Wenger nuk janë dalluar asnjëherë për marrëdhënie të mirë si brenda dhe jashtë fushe. Për aq kohë sa të dy trajnerët kanë qenë pjesë e Premier Leagues kanë pasur grindje të shumta në distancë.
Por ajo që habiti më shumë në ditën që trajneri i Arsenal vendosi të japë dorëheqjen pas një eksperience 20 vjeçare tek ‘topçinjtë”, mesazheve të mirënjohjes u është bashkuar edhe trajneri portugez, Jose Mourinho.
Në një intervistë për Sky sport, portugezi u pyet nëse mund të ishte mik me Arsene Wenger, ndërsa përgjigja ishte vërtetë befasuese. “Natyrisht që mund të jemi miq, por për këtë mjafton që të më respektojë 50% e atij respekti që i jap unë. Gjithsesi, më vjen keq, që pas Fergusonit, largohet edhe Wenger, që ishte një tjetër ikonë e trajningut në Premier League”, u shpreh Mourinho.
