Mou i hedh “benzin zjarrit”, nuk e mohon kalimin e CR7 tek United

Jose Mourinho rinovoi kontratën me Manchester United dhe tashmë ai do të qëndrojë në “Old Trafford” deri në vitin 2020. Kështu i ka dhënë fund edhe zërave të mundshëm që e lidhnin atë me një kalim tek gjiganti parisien PSG. Portugezi nuk ka refuzuar të flasë edhe mbi zërat që e lidhin Cristiano Ronaldon me një rikthim në Manchester, duke parë edhe përplasjet që ka pasur me klubin në javët e fundit.

Por duke refuzuar që ta mohojë këtë fakt të lë të kuptosh se mund të jetë një mundësi për CR7, i cili nuk është më i lumtur në Madrid. Ai është lojtari më i mirë në botë dhe kërkon që të paguhet si i tillë, po ashtu ka krisje me klubin sa i përket gjyqit që humbi për evazion fiskal, pasi klubi nuk e mbështeti.

“Në këto ditë të vështira për Realin, unë jam personi i fundit që mund t’i hedh benzinë zjarrit. Ata nuk po kalojnë një moment të mirë, ndaj unë nuk kam ndërmend të shtoj më shumë polemikat. Ronaldo është një futbollist i shkëlqyer, por atë mund ta ketë vetëm Zidane dhe Reali i Madridit, asnjë klub tjetër”, u shpreh portugezi.