Moti i keq ka prekur të gjithë vendin duke sjellë përmbytje në cdo qark të Shqipërisë. Për rrjedhojë, edhe ndeshjet e fundjavës të kampionateve të futbollit pritet të shtyhen.
Aktualisht ende nuk ka një njoftim zyrtar nga Federata Shqiptare e Futbollit, ndërsa klubet kanë nisur të njoftojnë shtyrjet e ndeshjeve një e nga një.
Të tilla janë Korabi i Kategorisë së parë dhe Maliqi i Kategorisë së dytë, të cilat me anë të një njoftimi në Facebook bëjnë me dije se ndeshjet e fundjavës janë shtyrë për në datën 10 dhjetor.
Edhe futbolli i moshave për të njëjtën arsye nuk do të luhet në fundjavë, ndërsa Superiorja me gjasë do të këtë të njëjtin fat.
