Autoriteti Rrugor Shqiptar ka dhënë një paralajmërim për të gjithë shoferët që të tregohen të kujdesshëm për shkak të motit të keq.
Kështu, ARRSH njofton drejtuesit e automjeteve që të tregojnë kujdes për shkak të lagështirës, sidomos në orët e para të mëngjesit dhe në mbrëmje.
“Bëni kujdes me qarkullimin në rrugë. Orët në vijim do të ketë reshje të dendura bore në zonat malore dhe mjegull në zona të tjera. Rekomandohen përdoruesit e rrugës të bëjnë kujdes për shkak të lagështirës, sidomos gjatë orëve të para të mëngjesit dhe gjatë natës, si dhe të respektojnë sinjalistikën rrugore”, njofton ARRSh.
Sipas tij, të gjithë kontraktorët e Autoritetit Rrugor Shqiptar janë në gatishmëri dhe po monitorojnë në vazhdimësi situatën për të mbajtur të hapura të gjitha akset.
