Në emisionin “Opinion”, gjatë mbrëmjes së djeshme ka patur një debat të nxehtë në lidhje me emrin e Sandër Lleshit. Deputeti demokrat Flamur Noka, deklaroi se veprimi i Presidentit, Ilir Meta, për të mos dekretuar Sandër Lleshin si Ministër i Brendshëm, vjen pasi ai ka një informacion të klasifikuar.
Ky informacion nuk mund të bëhet publik. “Presidenti i Republikës ka një informacion të klasifikuar, që nuk mund të bëhet publik gjithë opinionit. Ai me këtë rast po zbaton ligjin dhe Kushtetutën pikë për pikë”.
Gjithashtu Noka tha se veprimi i tij është absolutisht kushtetues, përsa kohë që asnjë institucion përgjegjës nuk e ka hedhur poshtë.
