Protestuesit në Fier janë konfrontuar me policinë në rrugën nacionale te Ura e Mbrostarit. Ata janë përpjekur të përparojnë drejt urës së Mbrostarit, por në përplasje me policinë e shtetit, ata nuk u rikthyen në vendin ku ishin pozicionuar fillimisht.
Ndërsa, pak momente më parë simpatizantët e PD-së të mbledhur në Fier kanë lejuar kalimin e dy ambulancave të cilat kanë kërkuar të kalojnë përmes turmës.
Sa i përket tensioneve që mund të shënohen mes policisë dhe protestuesve ka reaguar edhe kryetarja e LSI-së, Monika Kryemadhi nga rrethrrotullimi i Plepave në Durrës: “Protestat duhet të vazhdojnë, janë simbol i demokracisë. Çdo dhunë që policia ushtron ndaj protestuesve tregon frikë dhe panik. Cdo qëndresë tregon që protestuesit janë të vendosur në rrugën e tyre për të mos u kthyer më pas.
