Banorët e Astirit kanë dalë sërish në protestë, për të mos lejuar shembjen e shtëpive të tyre, të cilat preken nga projekti i Unazës së Madhe.
Ata nuk ndalen me rezistencën e tyre, ndonëse kanë kaluar më shumë se një muaj nga dita që kanë startuar protestën.
Kësaj proteste i është bashkuar edhe deputeti demokrat, Klevis Balliu.
Teksa ai ka marrë megafonin dhe ka nisur të flasë, një nga banorët ka kërkuar që të mos bëhet politikë me pronat e tyre.
“Mos na bëj politikë me pronat tona. Mos na e çaj tra*in. Politikë me djersën tonë mos bëj”, ka thënë një qytetar.
