Në vendin tonë nuk ka vend për panik sa i takon të nxehtit përvëlues. Sipas Meteoalb-it, deri në fund të korrikut vranësira dhe shira të përkohshëm shfaqen kryesisht në zonat malore veriore, por kthjellime dhe vranësira kalimtare dominojnë pjesën më të madhe të vendit.
Ndërsa temperaturat edhe në pjesën e dytë të korrikut pritet të jenë lehtësisht mbi vlerat tipike mujore, duke shënuar maksimume rreth 33°C, ndërsa në fare pak ditë, temperaturat maksimale do të shënojnë deri në 35°C.
Po kështu, edhe gjysma e parë e gushtit 2018, sjell kryesisht kthjellime dhe vranësira kalimtare, ndërsa vranësira më të shpeshta dhe shira të përkohshëm do ketë ekstremi verior dhe zonat lindore.
