Të tjera detaje janë hedhur dritë në lidhje me krimin e pasionit që ndodhi sot. 19-vjeçarja ka qenë duke ecur kur është përballuar me 31-vjeçarin. Gazetarja e “Tirana Today”, e cila ndodhej në vendin e ngjarjes, ka treguar gjithë dinamikën e ngjarjes.
Ajo tregon se policia është lajmëruar nga një grua, e cila ndodhej në një lokal në atë zonë dhe uniformat kanë mbërritur në kohë reale, brenda 3 minutave. Në atë çast, kur Xhafer Mata ka shtënë mbi Xhuljetën, nuk ka pasur shumë kalimtarë në rrugë.
Vajza ka ngritur dorën pasi është qëlluar, por autori nuk ka lejuar askënd që ti afrohej, duke i paralajmëruar se nuk do të qëllonte askënd tjetër. Edhe shoqja e 19-vjeçares është distancuar. Vajza ka ndërruar jetë në vend, e ndërsa autori duket se ka shfaqur shenjë pendese.
Ai është parë i përlotur, e më pas ka vrarë dhe veten.
