Tualetet mbeten padiskutim një vatër infeksionesh. Kërkuesit janë marrë shumë në këtë drejtim, për të gjetur një zgjidhje, që të mos prekemi nga bakteret. Një këshillë që vlen për të gjithë, lidhet me faktin se duhet të ndërgjegjësoheni që të mbyllni kapakun e tualetit.
Mos vendosja e kapakut të tualetit para se të shtypni ujin, bën të mundur që bakteret të përhapen në masë. Këto baktere mund të vendosen në sipërfaqet e afërta në banjë, duke përfshirë furçat e dhëmbëve, peshqirët, madje edhe muret.
Për disa shkencëtarë, ky njihet si ‘efekti aerosol’, por të tjerë i referohen skenarit të pakëndshëm ‘tualeti’. Ekspertët paralajmërojnë se kjo rrit rrezikun e viruseve të ndryshme si norovirusi, duke e transmetuar nga një person te një tjetër.
Jason Tetro, shkencëtar në Universitetin e Guelphit, tregon se çdo herë që ju shtypni ujin, një ‘aerosol është krijuar për shkak të shpejtësisë të ujit në bide”. Kur të ndodhë kjo, çdo mikrob që depozitohet në tualet mund të dërgohet në mjedisin rrethues.
