Edhe gjatë paradites të së mërkurës, moti do të vijojë me kthjellime e vranësira të shpeshta. Më të dendura ato do të jenë në zonat Lindore, dhe pjesërisht në Qendër ku do të ketë shira të përkohshëm.
Pasditja zhvendos shirat drejt zonave Lindore, duke lënë pjesën më të madhe të territorit me kthjellime dhe vranësira kalimtare.
Sipas Meteoalb, temperaturat e ajrit rriten lehtë në mëngjes, por një rënie të lehtë sjellin orët e mesditës, kur pritet maksimumi prej 28 – 29°C.
Era do fryjë mesatare në tokë, por deri e fortë në det, me shpejtësi 55 km/h nga Veriperëndimi, ndërsa në det vijon dallgëzimi 2 – 3 ballë.
