Nëse keni vendosor që të largoheni nga Shqipëria, e të jetoni pjesën tjetër të jetës në një vend me diell, mjafton që të keni në xhepin tuaj vetëm 1 euro. Nuk e besoni? Nuk ju duhen as më pak e as më shumë se 1 euro, për të blerë një shtëpi në Itali.
Sipas CNN, tashmë mund të blini një shtëpi në ishullin e Siçilisë për vetëm 1 euro. Sambuca ka vendosur dhjetëra banesa në shitje me këtë çmim krejtësisht të papërfillshëm, për të ringjallur sërish jetën.
Ky vend, si shumë vende të tjera rurale në Itali, vuajnë nga shpopullimi vitet e fundit, për shkak të lëvizjes së njerëzve drejt qyteteve më të mëdha.
Si duhet që të veproni?
Së pari duhet që pronarët e rinj duhet të rinovojnë banesat e vjetra prej 40-150 metër katror brenda tre viteve, me një kosto duke filluar nga 15 mijë euro.
Ata gjithashtu duhet të derdhin një depozitë prej 5 mijë euro, e cila do t’u kthehet sërish mbrapsht, sapo të mbarojë restaurimi i shtëpisë.
Nënkryetari i Sambuca, njëkohësisht edhe këshilltari turistik i vendit, thotë se blerësit nuk do të zhgënjehen. Sipas tij, me zvogëlimin e popullsisë, qyteti ka nevojë për të huajt, për të parandaluar shpopullimin.
