E dini se cili është muaji, dita dhe ora më e favorshme për të gjetur çmimet më të mira për biletat e avionëve? Për këtë na vjen në ndihmë një website britanik “Skyscanner”, duke na orientuar në kërkimin dhe krahasimin e çmimeve të udhëtimeve, përfshirë ato të biletave të avionit.
Duke qenë se shpenzimet e njerëzve bien pas periudhës së ngarkuar të festave të fundvitit, kompanitë zgjedhin që të ulin çmimet. Duke iu referuar një raporti të “Skyscanner”, për çmimet më të lira të avionëve duhet të zgjidhni muajin janar. Si ditë më e përshtatshmja është e diela, kur të gjithë janë paksa të shkujdesur dhe me fokus tek çlodhja e argëtimi pas një jave të lodhshme.
Ora më e përshtatshme për të gjetur çmime të mira është 05:00 e mëngjesit, kur të gjithë flenë. Ndërsa për t’u shmangur është hapësira kohore mes orës 19:00 dhe 22:00.
