Partia Komuniste e Shqipërisë, e cila garonte e 16-ta, mori një rezultat të dobët në zgjedhjet parlamentare.
Edhe pse pritej ky rezultat, duket se kreu i PKSH-së ka një arsye tjetër që justifikon rezultatin e dobët.
Kështu, PKSH mori 1.024 vota në rang kombëtar, ndërsa në vendlindjen e themeluesit të Partisë Komuniste, Enver Hoxhës, kjo parti ka marrë 8 vota.
Kjo gjë ka shkaktuar reagimin e Muharrem Xhafës, kreut të PKSH-së, i cili pretendon se kësaj partie i janë vjedhur votat.
POSTIMI I KREUT TË PKSH:
Borgjezia nuk mund t’i fshijë nga jeta politike e shoqerore e vendit Partine Komuniste dhe alternativen e saj!
Krejt ndryshe nga si mendojne disa njerez, kete e treguan edhe zgjedhjet e 25 qershorit 2017!
Nje mik” me dergonte ne fb. foton qe shihet dhe nje tekst se PKSH-ja ne zgjedhjet e 25 qershorit 2017 ka marre ne Gjirokaster, ne vendlindjen e Enver Hoxhes, 8 vota dhe ne vendlindjen e Myslim Pezes, ne Peze, 1 vote! Ndersa ne shkalle vendi rreth 1027 vota?!
Mesazhi ishte krejt i qarte, po “miku” kishte “harruar” te thoshte “nje gje te vogel” : O njerez, ja nje prej deshmive me tronditse te vjedhjes dhe tjetersimit te votave te komunisteve ne zgjedhjet kuvendore te 25 qershorit 2017!
A ka gjirokastrit, pezak e shqiptar te ndershem, qe ta pranoje nje genjeshter te tille si te vertete?! Mbase, po veshtire eshte te kete! U leverdis, kjo dihet, po edhe bijte e bashkepunetoreve te fashizmit, edhe antikomunistet e antienveristet prej Peze, Gjirokastre e rrethesh te tjera te vendit, nuk e besojne nje genjeshter te tille!
Parti politike te borgjezise herepashere do te eleminohen nga jeta politike e shoqerore e vendit, po kjo nuk do te ndodhe kurre me Partine Komuniste te Enver Hoxhes!
Sidoqofte, komunistet duhet dhe do te nxjerrin mesimet e nevojshme!
