Morata i dëmtuar në shpinë, bashkëshortja e nxjerr “blof” (Video)

Chelsea është duke kaluar një moment mjaft të vështirë në këtë fazë të kampionatit anglez dhe para ka një ndeshje mjaft të vështirë në Champions League ku do të presë gjigantët ë Barcelonës. Një mungesë mjaft e rëndësishme në këto javë ka qenë edhe sulmuesi spanjoll, i cili u bashkua këtë sezon me “Blutë”, Alvaro Morata. Antonio Conte e ka justifikuar me faktin se Morata është duke vuajtur një problem në shpinë dhe kjo është seriozë. “Nuk mund ta them nëse do të qëndrojë një javë, një muaj apo gjithë sezonin jashtë skuadrës. Jam pak i shqetësuar, shpresojmë ta zgjidhim sa më parë këtë problem,”-pat deklaruar Conte në konferencë për shtyp.

Orët e fundit po bën xhiron e botës një video e postuar nga bashkëshortja e spanjollit(videon mund ta shikoni duke klikuar këtu,VIDEO), Alice Campello, ku çifti shfaqet duke u dëfryer, teksa spanjolli ngre në krah partneren e tij. “Vallëzimi” i Moratës me bashkëshorten Alice në fakt ka ngritur dyshime të forta mbi vërtetësinë e dëmtimit. Mos vallë spanjolli ka mbetur jashtë planeve të trajnerit për arsye teknike? Një mister të cilin drejtuesit e Chelsea-t duhet ta zbulojnë para se të nisin ndeshjet më të rëndësishme për objektivat e sezonit.

Kjo video ka shkaktuar kundërthënie mes tifozëve të Chelsea, të cilët nuk e kuptojnë se cila është gjendja e lojtarit. “Daily Mail” ishte një nga mediat e para për t’i dhënë jehonë kësaj çështjeje: “Disa tifozë reaguan negativisht.”

Morata nuk hezitoi të përgjigjet: “Kjo është një video e vjetër, kur nuk isha i lënduar”. Morata nuk ka luajtur që nga 17 janari, në ndeshjen kundër Norwich. Ai ka humbur tri ndeshje të Premier League, një ndeshje në “FA Cup” dhe një ndeshje në “EFL Cup”. Giroud, që sapo ka arritur në merkaton e dimrit, do të jetë zëvendësuesi i tij. Ish-lojtari i Real Madridit, që erdhi verën e kaluar për 80 milionë euro, ka shënuar 10 gola dhe ka dhënë 4 asiste në 20 ndeshje të Premier League.