Bayer Munich ka pësuar disfatë në transfertën me B. Monchengladbach, djemtë e Heynckes janë mposhtur me rezultatin 2-1 dhe kështu vjen humbja e parë që nga momenti që bavarezët ndërrojnë trajner. Vendasit shënojnë dy gola të shpejtë që në pjesën e parë dhe arrijnë ta administrojnë mjaft mirë rezultatin deri në fundin e takimit. Për Bayern është kiliani Vidal që arrin të ngushtojë diferencën me një gol mjaft të bukur, por nuk arrijnë të evitojnë humbjen.
Pas një nisje mjaft të mirë të bavarezëve në minutën e 39’ një prekje e topit me dorë në zonë shkakton një penallti, e cila ekzekutohet mjaft mirë nga Hazard për ti dhënë avantazhin Mounchenglabach. 5’ minuta më vonë është Ginter i cili depërton mjaft mirë në zonë dhe godet me të majtën duke mposhtur portierin bavarez.
Pjesa e dytë është e gjitha për ekipin e Heynckes, por e kanë mjaft të vështirë që të thyejnë mbrojtjen e Glabach. Në minutën e 74’ Arturo Vidal godet nga jashtë zone dhe topi përfundon në rrjetë. Nga ky gol marrin më shumë zemër miqtë dhe tentojnë të barazojnë rezultatin me sulme të shumta, por që nuk i finalizojnë si duhet dhe 2-1 është rezultati përfundimtarë i ndeshjes.
