Momente paniku dhe mjaft shokuese janë kapur gjatë një aksioni policor. Një baba afrikano-jugor është akuzuar për tentativë vrasjeje, pasi hodhi vajzën e tij 6-muajshe nga çatia e një kasolleje që policia kishte shkuar për ta prishur.
Burri 38-vjeçar, kishte marrë fëmijën e tij dhe kishte hipur në çati, ku nga aty ka tentuar të vrasë vogëlushen. Akti i tij erdhi si shenjë proteste kundër shkatërrimit të kasolleve në Kwadëesi, pranë Portit Elizabetë.
E ndërsa ai mbante në krah vogëlushen, një efektiv është sipër kasolles për të bindur burrin që të zbriste, ai e kapi nga kyçi i këmbës vajzën dhe e hodhi poshtë. Fotoja tregon policin që po nxiton për të ndaluar babain e çmendur, por ndërhyrja e tij ishte me vonesë.
Fatmirësisht, vajza u prit nga policët që po qëndronin poshtë dhe nuk pati asnjë dëmtim. Babai u arrestua dhe mbi të rëndon akuza e vrasjes së mbetur në tentativë.
