Kupa e Botës është eventi më i rëndësishëm i futbollit, ku kombëtaret mbledhin në gjirin e tyre lojtarët më të mirë dhe më në formë për të synuar shpalljen e kampion bote. Titull të cilin ekipi fitues e gëzon për katër vite. Në Rusi do të organizohet evenimenti i 21 i Botërorit ku futbolli ka avancuar dhe është bërë më i bukur nga viti në vit. Nga Kupa e Botës e organizuar për herë të parë e deri më sot ku pas 6 ditësh starton sërish në Rusi është shoqëruar me episode nga më pikantet. Mund të përmendim “Dorën e Zotit” të Maradonës e cila do të mbahet mend gjatë në histori, apo ndëshkimin me karton të kuq të Zidane pas goditjes me kokë që i dha Materazzit. Por duke mos harruar kafshimin e Suarezit dhe të pështyrës që i bëri në fytyrë Rajkardi Fërlerit.
Më poshtë janë renditur disa nga momentet më pikante të Botëroreve ndër vite:
Ndalimi i topit me dorë nga Luiz Suarez, gjatë ndeshjes Uruguaj-Ganë në vitin 2010.
Frank Rajkard pështyn në fytyrë Rudi Fëlerin, gjatë ndeshjes Holandë-Gjermani në vitin 1990.
Zinedine Zidane godet me kokë në gjoks Marko Materacin, gjatë ndeshjes Itali-Francë në vitin 2006.
Sulmuesi italian Roberto Baxho, humb penalltinë gjatë ndeshjes Itali-Brazil në vitin 1994.
Frenk Lampard i anulohet një gol i rregullt, gjatë ndeshjes Gjermani-Angli në vitin 2010.
Portieri gjerman Shumaker, masakron sulmuesin francez Batiston gjatë ndeshjes Gjermani-Francë në vitin 1982.
Maradona shënon golin e shekullit XX, gjatë ndeshjes Argjentinë-Angli në vitin 1982.
Gjermania poshtëron Brazilin, duke e mundur 7-1 në botërorin e vitit 2014.
Gjyqtari anglez Graham Pol, nxjerr 3 kartona të verdhë për kroatin Simuniç, gjatë ndeshjes Kroaci-Australi në vitin 2006.
Luiz Suarez, kafshon mbrojtësin italian Kielini, gjatë ndeshjes Uruguaj-Itali në vitin 2014.
Futbollisti holandez De Jong, kryen një goditje karateje ndaj spanjollit Ksavi Alonso, gjatë ndeshjes Holandë-Spanjë në vitin 2010.
Ylli i kombëtares angleze, Dejvid Bekam godet tinëzisht nga pas Diego Simeonen, gjatë ndeshjes Angli-Argjentinë në vitin 1998.
Fintja e famshme e Johan Krojf, gjatë ndeshjes Holandë-Suedi në vitin 1974.
Maradona është “Dora e Zotit”, gjatë ndeshjes Argjentinë-Angli në vitin 1986.
Simulimi qesharak i brazilianit Rivaldo, gjatë ndeshjes Turqi-Brazil në vitin 2002.
Goli klasik i Denis Bergkamp, gjatë ndeshjes Holandë-Argjentinë në vitin 1998.
Robin Van Persi bën “holandezin fluturues”, gjatë ndeshjes Holandë-Spanjë në vitin 2014.
Goli i Andres Iniestës, i jep kupën Spanjës në finale e vitit 2010 me Holandën.
Goli vendimtar i Peles, gjatë ndeshjes Brazil-Suedi në vitin 1958.
Penalltia e shndërruar në gol nga Zidan, gjatë ndeshjes Francë-Itali në vitin 2006.
TIRANA TODAY
